Blog : තවත් කොරෝනා රෝගීන් 40 දෙනෙක්


New Update :

තවත් කොරෝනා ආසාදිතයින් 40 දෙනකු තහවුරු වූ බවත් ඉන් 21 දෙනකු නිරෝධායන මධ්‍යස්ථානවලින් බවත් COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය කියයි.


Update :

නිරෝධායන ඇදිරිනීතිය පනවා ඇති ප්‍රදේශවල ආහාර සහ ඖෂධ වෙළඳසැල් හෙට (20) පෙ.ව 8.00 සිට රාත්‍රී 10.00 දක්වා විවෘතව තැබීමට අවසර ලැබෙන බව රජයේ ප්‍රවෘත්ති දෙපාර්තමේන්තුව නිවේදනය කරයි


Update :

කොළඹ වරායේ නැව් තටාංගණයෙන් තවත් කොරෝනා ආසාදිතයින් 11 දෙනෙකු තහවුරු වූ බවත් කුලියාපිටියෙන් තවත් කොරෝනා රෝගීන් 14 දෙනකු තහවුරු වූ බවත් COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

කුලියාපිටියේ ආසාදිත වූ පිරිස ස්වයං නිරෝධායනයේ සිටි අය බවද සඳහන් කරයි.


Update :

නිරෝධායන මධ්‍යස්ථානවලට පිටතින් කොරෝනා රෝගීන් 43 දෙනකුද , නිරෝධායන මධ්‍යස්ථානවලින් කොරෝනා රෝගීන් 4 දෙනකුද තහවුරු වූ බව COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කරයි.


2020.10.18


Update :

මතුගම ඕවිටිගම සුනන්දාරාම පිරිවෙනේ හිමිවරුන් පස් දෙනකුට කොරෝනා ආසාදනය වී ඇති බවට COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කරයි.

ඒ අනුව මතුගමින් හමුවූ රෝගීන් සංඛ්‍යාව 17 දක්වා ඉහළ ගොස් තිබේ.


Update :

මිනුවන්ගොඩ පොකුරේ තවත් කොරෝනා ආසාදිතයින් 39 දෙනකු තහවුරු වූ බව COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය ප්‍රකාශ කරයි.

ඉන් 26 දෙනකු මිනුවන්ගොඩ පොකුරේ ආශ්‍රිතයින් බව ද ඔවුන් නිරෝධායන මධ්‍යස්ථානවලට පිටතින් තහවුරු වූ බව ද එම මධ්‍යස්ථානය පවසයි.


Update :

මතුගම ප්‍රාදේශිය ලේකම් කොට්ඨාසයේ ඕවිටිගල, බදුගම, සහ බදුගම නව ජනපදය හුදකලා ගම්මාන ලෙස නම් කළ බව රජයේ ප්‍රවෘත්ති දෙපාර්තමේන්තුව කියයි.

එම ප්‍රදේශයෙන් කොරෝනා ආසාදිතයින් 11 දෙනකු තහවුරු වී ඇතැයි COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

උසස් පෙළ සිසුන්ට මෙම හුදකලා කිරීම බලනොපාන බවද සෞඛ්‍ය පුරුදු අනුගමනය කරමින් එම විභාග කටයුතු වලට සහභාගි වන්නැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.


Update :

නිරෝධායන මධ්‍යස්ථානවලට පිටතින් තවත් 22 දෙනකුට කොරෝනා ආසාදිත වී ඇතැයි COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කරයි.

මින් බහුතරය මිනුවන්ගොඩ පොකුරේ ආශ්‍රිතයින් බවද එම මධ්‍යස්ථානය කියයි.


2020.10.17


මිනුවන්ගොඩ පොකුරේ තවත් 42 දෙනකුට කොරෝනා ආසාදනය වී ඇතැයි COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය ප්‍රකාශ කරයි.

ඉන් 22 දෙනකු නිරෝධායන මධ්‍යස්ථානවලින් බවත් 20 දෙනකු නිරෝධායන මධ්‍යස්ථානවගට එපිටින් බවත් එම 20 දෙනා එම පොකුරේ ආශ්‍රිතයින් බවත් එම මධ්‍යස්ථානය කියයි.

ඒ අනුව අද(17) දිනයේ තහවුරු වූ කොරෝනා ආසාදියන් ගණන 115 දක්වාත් මිනුවන්ගොඩ පොකුරේ ආසාදිතයින් ගණන 2014 දක්වාත් ඉහළ ගොස් ඇතැයි එම මධ්‍යස්ථානය පවසයි.


Update :

කන්කසන්තුරේ නාවික හමුදා කඳවුරේ නාවිකයින් දෙදෙනකුට කොරෝනා ආසාදනය වී ඇතැයි COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය කියයි.

ඔවුන් දෙදෙනා නිවාඩු ගොස් ආපසු පැමිණ නිරෝධායනය වෙමින් සිටි නාවිකයින් දෙදෙනකු බවත් නිරෝධායනය වෙමින් සිටියදී ඇතිවූ අසනීප තත්ත්වයක් නිසා රෝහල්ගත කිරීමෙන් අනතුරුව කරන ලද පීසීආර් පරීක්ෂණයකින් ඔවුන්ට වෛරසය ආසාදනය වී ඇතැයි තහවුරු වූ බවත් එම මධ්‍යස්ථානය සඳහන් කරයි.


Update :

මිනුවන්ගොඩ කොවිඩ් පොකුරෙන් තවත් කොරෝනා රෝගීන් 73 දෙනකු වාර්තා වූ බවත් ඉන් 71 දෙනකු නිරෝධායන මධ්‍යස්ථානවලින් පිටතින් හමූවී ඇති බවත් COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

එම 73 දෙනාගෙන් දෙදෙනකු නිරෝධායන මධ්‍යස්ථානවලින් බව ද එම මධ්‍යස්ථානය කියයි.


2020.10.16


Update :

නිට්ටඹුව MAS Active ඇඟළුම් කම්හලේ සේවකයකුට කොරෝනා ආසාදිත වී ඇතැයි COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.


Update :

කළගෙඩිහේන Ortol clothing කම්හලේ සේවය කළ රඹුක්කන ඊරියගොල්ල ප්‍රදේශයේ පදිංචි කාන්තාවකට කොරෝනා ආසාදනය වී ඇතැයි COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කරයි.


Update :

තවත් කොරෝනා රෝගීන් 49 දෙනකු තහවුරු වූ බවත් ඉන් 35 දෙනකු නිරෝධායන මධ්‍යස්ථානවලින් බවත් 14 දෙනකු එම පොකුරේ ආශ්‍රිතයින් බවත් COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය කියයි.


Update :

මිනුවන්ගොඩ කොරෝනා පොකුරෙන් තවත් ආසාදිතයින් 61 දෙනකු තහවුරු වූ බව COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

ඉන් 58 දෙනකුම මිනුවන්ගොඩ ආසාදිතයින්ගේ ආශ්‍රිතයින් බව ද තිදෙනකු නිරෝධායන මධ්‍යස්ථානවලින් බව ද එම මධ්‍යස්ථානය කියයි.


Update :

ඔක්තෝබර් 13 වැනිදා පෙරවරු 9.30ට රජයේ ප්‍රවෘත්ති දෙපාර්තමේන්තුවේදී පැවැත්වුණු මාධ්‍ය හමුවට සහභාගි වූ මාධ්‍යවේදියකු කොවිඩ්-19 වෛරස ආසාදිත වී ඇතැයි සැක කෙරෙන බවත් ඒ හා සම්බන්ධව තවදුරටත් පරීක්ෂණ කටයුතු සිදුකරන බවත් සෞඛ්‍ය අංශ සනාථ කර ඇතැයි රජයේ ප්‍රවෘත්ති දෙපාර්තමේන්තුව නිවේදනය කරයි.

මේ හේතුවෙන් එම මාධ්‍ය හමුවට සහභාගි වු සියලු මාධ්‍යවේදීන්ගේ තොරතුරු රජයේ ප්‍රවෘත්ති දෙපාර්තමේන්තුව විසින් මේ වන විටත් අදාළ සෞඛ්‍ය අංශ වෙත දැනුම් දී ඇතැයි ද ඒ අනුව අවශ්‍යතාවක් මතු වුවහොත් අදාළ සෞඛ්‍ය උපදෙස් හා මගපෙන්වීම සෞඛ්‍ය අංශ විසින් එම මාධ්‍යවේදීන් වෙත කඩිනමින් ලබා දෙනු ඇතැයි ද එම දෙපාර්තමේන්තුව කියයි.

කෙසේ වුවද වෛරසය ආසාදිත බවට සැක කෙරෙන මාධ්‍යවේදියාගේ ඉදිරි සෞඛ්‍ය පරීක්ෂණවල ප්‍රතිඵල ලැබෙන තෙක් අදාළ මාධ්‍ය හමුවට සහභාගී වූ සියලු මාධ්‍යවේදීන්ට බාහිර සමාජයට විවෘත නොවී ආරක්ෂිතව නිවෙස්වල රැඳී සිටින ලෙස උපදෙස් ලබා දෙනමෙන් සෞඛ්‍ය අමාත්‍යාංශයේ වසංගත රෝග විද්‍යා අංශය දැනුම් දී ඇති බව එම දෙපාර්තමේන්තුව පවසයි.


Update :

ස්වාධීන රූපවාහිනී සේවයේ (ITN) සේවකයෙකුට කොරෝනා ආසාදනය වී ඇතැයි COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

ඔහු බලන්ගොඩ පදිංචිකරුවකු වන බව ද මෑත කාලයේ ජයවර්ධනපුර විශ්වවිද්‍යාලය අසල පදිංචි වී සිට ඇතැයි ද එම මධ්‍යස්ථානය කියයි.


2020.10.15


Update :

මිනුවන්ගොඩ පොකුරෙන් තවත් කොරෝනා ආසාදිතයින් 19ක් වාර්තා වූ බවත් ඉන් 10 දෙනකු නිරෝධායන මධ්‍යස්ථානවලට පිටින් බවත් COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

එම 10 දෙනා කම්හල් සේවකයින්ගේ ආශ්‍රිතයින් බව ද ඉතිරි 09 දෙනා නිරෝධායන මධ්‍යස්ථානවලින් බවද එම මධ්‍යස්ථානය ප්‍රකාශ කරයි.


Update :

දැනට නිරෝධායන ඇඳිරිනීතිය පනවා ඇති ප්‍රදේශවල ආහාර ද්‍රව්‍ය අලෙවි කරන වෙළෙඳසැල් සහ ඖෂධහල් හෙට (16) උදෑසන 8.00 සිට රාත්‍රී 10.00 දක්වා විවෘත කිරීමට අවසර ලබාදෙන බව රජයේ ප්‍රවෘත්ති දෙපාර්තමේන්තුව හරහා COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය දැනුම් දෙයි.


Update :

ටීබි ජයා මාවතේ හැටන් නැෂනල් බැංකු ගොඩනැගිල්ලේ එක් අයෙකුට කොරෝනා ආසාදිත වී ඇතැයි COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.


Update :

තවත් කොරෝනා ආසාදිතයින් 49ක් වාර්තා වූ බවත් ඉන් 36ක්ම නිරෝධායන මධ්‍යස්ථානවලට පිටතින් බවත් COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

13 දෙනකු නිරෝධායන මධ්‍යස්ථානවලින් බවද එම 49 දෙනාගෙන් බහුතරය මිනුවන්ගොඩ බ්‍රැන්ඩික්ස් කම්හලේ සේවකයින්ගේ ආශ්‍රිතයින් බවද එම මධ්‍යස්ථානය කියයි.


Update :

කළුතර රෝහලේ සේවය කරන හෙදියකට කොරෝනා ආසාදනය වී ඇතැයි ද ඇය පොදු ප්‍රවාහන සේවා භාවිත කර ඇතැයි ද COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කරයි.


Update :

කොළඹ නගර සභාවේ පුද්ගලයකුට කොරෝනා ආසාදිත වී ඇතැයි COVID-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය කියයි. ඔහු කඩුවෙල ප්‍රදේශයේ පදිංචිකරුවකු බව ද එම මධ්‍යස්ථානය පවසයි.

 

LEAVE A REPLY

Please enter your comment!
Please enter your name here