20 වැනි ආණ්ඩුක්‍රම ව්‍යවස්ථා සංශෝධනයේ දෙවැනි වර කියවීම වැඩි ඡන්ද 91කින් එනම් තුනෙන් දෙකක බහුතරයකින් පාර්ලිමේන්තුවේදී සම්මත විය.
ඊට පක්ෂව ඡන්ද 156ක්ද විපක්ෂව ඡන්ද 65ක්ද ලැබිණි. විපක්ෂයේ මන්ත්‍රීවරු කිහිප දෙනෙක් ද 20ට පක්ෂව ඡන්දය ලබාදුන්හ. සමගි ජනබලවේගයේ පාර්ලිමේන්තු මන්ත්‍රි ඩයනා ගමගේ මහත්මිය ද 20 වැනි ආණ්ඩුක්‍රම ව්‍යවස්ථා සංශෝධනයට පක්ෂව ඡන්දය ලබා දුන්නාය.
කාරක සභා අවස්ථාවේදී ඊට සංශෝධන සිදුකිරීමට නියමිත අතර තෙවැනි වර කියවීම ද අද රාත්‍රියේ පැවැත්වීමට නියමිතය.
