මුස්ලිම් ජනතාවගේ භූමදානය කිරීමේ අයිතිය සහතික කිරීමට ඉතා ඉක්මණින් පියවර ගන්නැයි ශ්රී ලංකා රජයෙන් ඉල්ලා සිටින බව ලෝක ඉස්ලාමීය සහයෝගීතා සංවිධානයේ මහලේකම් යූසුෆ් අල් ඔතයිමීන් මානව හිමිකම් කවුන්සිලයේ 46 වැනි සැසිය අමතමින් පැවසීය.
ශ්රී ලංකාවේ මුස්ලිම් ජාතිකයින් මුහුණ දෙන තත්ත්වය ගැන ලෝක ඉස්ලාමීය සහයෝගීතා සංවිධානය කණස්සල්ල පළ කරන බවත් වෛරසයෙන් මියයන අයගේ දේහයන් භූමදානය කිරීමට ඇති අයිතිය ඔවුන්ට හිමි වී නැති බවත් ඔහු කීවේය.
“මුස්ලිම් ජනතාවගේ භූමදානය කිරීමේ අයිතිය සහතික කිරීමට ඉතා ඉක්මන් පියවර ගන්න කියලා අපි ඉතා ඕනෑකමින් ශ්රී ලංකා රජයෙන් ඉල්ලනවා.” යැයි ද හෙතෙම ප්රකාශ කළේය.