RTI

පාස්කු ප්‍රහාරයට වගකීමක් ඇති දෙදෙනකුට පොලිස් කොමිසමෙන් උසස්වීම්

04. 12. 2019 | 12.19am
Change සිංහල | தமிழ் | English
පාස්කු ප්‍රහාරයට වගකීමක් ඇති දෙදෙනකුට පොලිස් කොමිසමෙන් උසස්වීම්

පසුගිය දා වැඩබලන ජ්‍යෙෂ්ඨ නියෝජ්‍ය පොලිස්පති ධුරයට උසස්වීම් ලැබූ නියෝජ්‍ය පොලිස්පතිවරුන් දෙදෙනාට එලෙස උසස්වීම් ලැබී ඇත්තේ පාස්කු ප්‍රහාරයේ වගකීම් පැහැර හැරීම සම්බන්ධයෙන් අපරාධ පරීක්ෂණ දෙපාර්තමේන්තුවෙන් විමර්ශනයක් ආරම්භ කර තිබිය දී බව වාර්තාවේ.

එලෙස උසස්වීම් ලැබ ඇත්තේ නියෝජ්‍ය පොලිස්පතිවරුන් ලෙස කටයුතු කළ දේශබන්දු තෙන්නකෝන් මහතාට සහ ලලිත් පතිනායක මහතාට බව පොලිසිය කියයි.

පාස්කු ප්‍රහාරය සම්බන්ධයෙන් විමර්ශන සිදු කරන අපරාධ පරීක්ෂණ දෙපාර්තමේන්තුව මූලික වශයෙන් එහි වගකීම් පැහැර හැරියේයැයි පොලිස්පති පූජිත් ජයසුන්දර සහ එවකට සිටි ආරක්ෂක ලේකම් හේමසිරි ප්‍රනාන්දු යන මහත්වරු අත්අඩංගුවට ගනු ලැබූහ.

එම විමර්ශනවලදී වැඩිදුරටත් අනාවරණය වී තිබුණේ ප්‍රහාරය සම්බන්ධයෙන් ලැබුණු මූලික බුද්ධි තොරතුරු පොලිස්පතිවරයා විසින් නියෝජ්‍ය පොලිස්පතිවරුන් පිරිසකට ද යොමු කර ඇති බවයි.

මූලික වශයෙන් එම නිලධාරීන්ට පියවර ගැනීමට ජාතික පොලිස් කොමිෂන් සභාව තීරණය කරන ලදුව මූලික පියවර වශයෙන් එම නිලධාරීන් පිරිස සේවය කරමින් සිටි ස්ථානයෙන් ඉවත් කර වෙනත් තැන්වලට අනියුක්ත කරනු ලැබීය. ඒ අතර එවකට බස්නාහිර උතුර භාරව සිටි නියෝජ්‍ය පොලිස්පති දේශබන්දු තෙන්නකෝන් මහතා සහ කොළඹ භාරව සිටි නියෝජ්‍ය පොලිස්පති ලලිත් පතිනායක මහතා ද සිටියහ.

අත්අඩංගුවට ගත් සැකකරුවකු ඝාතනය කරන ලෙසට නීති විරෝධී නියෝගයක් ලබා දුන් බවට ලලිත් පතිනායක මහතාට එරෙහිව කොළඹ අපරාධ කොට්ඨාසයේ හිටපු ස්ථානාධිපති නෙවිල් ද සිල්වා මහතා පැමිණිල්ලක් යොමු කර තිබූ අතර එය ද විමර්ශනය කරන ලෙස රහස් පොලිසියට යොමු කර ඇති බව පොලිස් කොමිෂන් සභාව ඒ දිනවල ප්‍රකාශ කළේය.

පාස්කු ප්‍රහාරයෙන් පසු මෙම නියෝජ්‍ය පොලිස්පතිවරුන් දෙදෙනාටම පොලිස් කොමිෂන් සභාවෙන් ස්ථාන මාරු ලබා දුන් අතර පොලිස් විශේෂ විමර්ශන ඒකකයෙන් වෙනම විමර්ශනයක් ද ආරම්භ කර තිබිණි.

ඒ අතරතුර පාස්කු ප්‍රහාරය සම්බන්ධයෙන් විමර්ශන කරන රහස් පොලිසිය නීතිපතිවරයා වෙත යොමු කළ තොරතුරු අනුව නීතිපතිවරයා නිර්දේශ කර තිබුණේ මෙම නිලධාරීන්ට අපරාධ වගකීමක් තිබුණේද යන්න ගැන විමර්ශන කර ඉදිරි පියවර ගන්නා ලෙසයි.

අපරාධ පරීක්ෂණ දෙපාර්තමේන්තුව මේ නිලධාරීන් දෙදෙනා සම්බන්ධයෙන් විමර්ශන ආරම්භ කර තිබුණු අතර දෙදෙනාට උසස්වීම් ලබා දුන්නේ ඒ අතරතුරදීය. එලෙස උසස්වීම් ලබාදීමත් සමඟ පොලිස් දෙපාර්තමේන්තුවේ විශාල පිරිසක් වික්ෂිප්ත වූහ.

මේ දෙදෙනාගෙන් කෙනකු බස්නාහිර භාර ජ්‍යෙෂ්ඨ නියෝජ්‍ය පොලිස්පතිවරයා ලෙස පත් කිරීමට යතියි පැතිර යන ආරංචියක් නිසා පොලිස් නිලධාරීහු කළබලයට පත්වී සිටිති.

පහතින් දැක්වෙන්නේ ලලිත් පතිනායක මහතා සහ දේශබන්දු තෙන්නකෝන් මහතා ජ්‍යෙෂ් නියෝජ්‍ය පොලිස්පතිවරුන් ලෙස උසස්කරමින් පොලිස්පතිවරයා නිකුත් කළ පොලිස් පණිවුඩයයි.




පහතින් දැක්වෙන්නේ ඔවුන් සම්බන්ධයෙන් සිළුමින පුවත්පත පළ කළ වාර්තාවකි.
පහතින් දැක්වෙන්නේ අරුණ පුවත්පත පළ කළ වාර්තාවකි.


Author - Staff writer
Staff writer
Make a Comment



Breaking News
බැඳුම්කර විගණන වාර්තාව පාර්ලිමේන්තු වෙබ් අඩවියේ පළ කරන්නැයි ඉල්ලීමක්
බැඳුම්කර විගණන වාර්තාව පාර්ලිමේන්තු වෙබ් අඩවියේ පළ කරන්නැයි ඉල්ලීමක්
Read More | 2020-01-22
මහබැංකු වෝහාරික විගණන වාර්තාව ඉදිරිපත් කිරීම යෝග්‍යයි-කථානායක
මහබැංකු වෝහාරික විගණන වාර්තාව ඉදිරිපත් කිරීම යෝග්‍යයි-කථානායක
Read More | 2020-01-21
පැය 24කදී ලෝක බලවතුන් හතර දෙනෙක් ලංකාවට
පැය 24කදී ලෝක බලවතුන් හතර දෙනෙක් ලංකාවට
Read More | 2020-01-14
වතු කම්කරුවන්ගේ වැටුප් වැඩි කෙරෙයි
වතු කම්කරුවන්ගේ වැටුප් වැඩි කෙරෙයි
Read More | 2020-01-14
රංජන් රාමනායක අත්අඩංගුවට
රංජන් රාමනායක අත්අඩංගුවට
Read More | 2020-01-14
'යුක්‍රේනියානු ගුවන් යානය කඩා වැටුණේ ඉරානයේ මිසයිල ප්‍රහාරයකින්''
'යුක්‍රේනියානු ගුවන් යානය කඩා වැටුණේ ඉරානයේ මිසයිල ප්‍රහාරයකින්''
Read More | 2020-01-10
වැඩ තහනම් කළ යුතු තවත් රහස් පොලිස් නිලධාරියෙක් ගැන තොරතුරු එළියට
වැඩ තහනම් කළ යුතු තවත් රහස් පොලිස් නිලධාරියෙක් ගැන තොරතුරු එළියට
Read More | 2020-01-09
ශ්‍රීලංකන් යානා ඉරාන-ඉරාක සීමාව මගහරියි
ශ්‍රීලංකන් යානා ඉරාන-ඉරාක සීමාව මගහරියි
Read More | 2020-01-08
යුක්‍රේනියානු ගුවන් යානයක් ඉරානයේ දි අනතුරට ලක්වෙයි
යුක්‍රේනියානු ගුවන් යානයක් ඉරානයේ දි අනතුරට ලක්වෙයි
Read More | 2020-01-08
ඉරානය ඇ⁣මෙරිකානු හමුදා සිටින කඳවුරුවලට පහර දෙයි
ඉරානය ඇ⁣මෙරිකානු හමුදා සිටින කඳවුරුවලට පහර දෙයි
Read More | 2020-01-08