පර්දාව දාගෙන විභාගයට ගිය සිසුවියන්ට බාධා

Staff Writer | Author . පරිවර්තනය කරන්න සිංහල හෝ தமிழ் 05. 08. 2019 | 11.52am
පර්දාව දාගෙන විභාගයට ගිය සිසුවියන්ට බාධා

අද (05) ආරම්භ වූ උසස් පෙළ විභාගයට පර්දාව පැළඳගෙන ගිය සිසුවියන් පිරිසකගේ පර්දාව ඉවත් කිරීමට නියෝග කළ බව කියන ගම්පොළ වික්‍රමභාහු විද්‍යාලයේ විභාග රාජකාරි කරන නිලධාරීන් පිරිසක් සම්බන්ධයෙන් විමර්ශන කරන ලෙස විභාග දෙපාර්තමේන්තුවෙන් ඉල්ලීමක් කළ බව ලංකා ගුරු සංගමය කියයි.

පර්දාව නීති විරෝධී ඇඳුමක් නොවන බවත්, පර්දාව පැළඳගෙන විභාගයට යෑම වැළැක්වීම නීති විරෝධී බවත් ලංකා ගුරු සංගමයේ ලේකම් ජෝසප් ස්ටාලින් මහතා පැවසීය.

කෙසේ වෙතත් මේ ගැන කළ විමසීමේ දී විභාග කොමසාරිස් ජනරාල් සනත් පූජිත මහතා ප්‍රකාශ කළේ පර්දාව ගැලවීමක් සිදු වී නැති බවයි.


Share