ජාතිවාදය ඉහවහ ගිය ගම්පහ ගුරුවරයා පෑනක් දෙකට කඩලා

Staff Writer | Author . පරිවර්තනය කරන්න සිංහල හෝ தமிழ் 09. 07. 2019 | 3.00pm
ජාතිවාදය ඉහවහ ගිය ගම්පහ ගුරුවරයා පෑනක් දෙකට කඩලා

ගම්පහ බණ්ඩාරවත්ත ප⁣රාක්‍රම මහා විද්‍යාලයේ ගුරුවරයෙක්  'මුස්ලිම් නිෂ්පාදන' අපට එපා යැයි කෑ ගසමින් එක් සමාගමක නිෂ්පාදනය කරන ලද පෑනක් දෙකට කඩා විසි කර ඇතැයි අමාත්‍ය හර්ෂ ද සිල්වා මහතා පවසයි.

අදාළ සමාගම 2017 වසරේදී 'වැඩිම ජනාදරය දිනාගත් වෙළෙඳ නාමය ' ලෙස සම්මාන ලැබූ සමාගමක් බවත් සඳහන් වෙයි.

එම විද්‍යාලයේ සිසුවකු ගෙන ආ පෑනක් මෙලෙස කඩා විසි කර ඇතැයි ද ඔහු සඳහන් කරයි. 

මේ සම්බන්ධයෙන් තමන් අධ්‍යාපන අමාත්‍ය අකිල විරාජ් කාරියවසම් මහතාට පැමිණිලි කළ බව ද ඒ මහතා ප්‍රකාශ කරයි.

ට්විටර් පණිවිඩයක් නිකුත් කරමින් ඒ මහතා මේ බව පැවසීය.

මෙය ජාතිවාදීන් සමාජය විනාශ කරන සිද්ධින් රැසකට එක් උදාහරණයක් පමණක් බව ද ඒ මහතා පවසයි. 

ව්‍යාපාරිකයන්ට එරෙහිව සිදුවෙන මෙවන් ජාතිවාදී ප්‍රහාර නැවැත්වීමට මැදිහත් විය යුතු බවද අමාත්‍යවරයා කියයි.

Share